გუშინ პარიზის 2024 წლის ოლიმპიადის გახსნა ვიხილეთ, სადაც ზინედინ ზიდანმაც მიიღო მონაწილეობა. ლეგენდარულმა ფრანგმა ოლიმპიური ჩირაღდანი ასევე ლეგენდარულ ესპანელ ჩოგბურთელს რაფა ნადალს გადასცა.
ეს საკმაოდ სიმბოლური მომენტი იყო, რადგან 2005 წელს პარიზში რაფა ნადალს თავისი პირველი როლან გაროსის ტიტული სწორედ ზიზუმ გადასცა. ნადალისთვის საფრანგეთის დედაქალაქი განსაკუთრებული ქალაქია, რადგან მისი ერთ-ერთი მთავარი კარიერული რეკორდი სწორედ აქ დამყარდა. რაფა როლან გაროსის 14-გზის გამარჯვებულია.
გუშინ კი, პირველი მოგებული როლან გაროსიდან 19 წლის შემდეგ ზიდანმა ესპანელს ამჯერად ოლიმპიური ჩირაღდანი გადაულოცა.
