პორტუგალიის ნაკრებმა უზბეკეთი 5:0 გაანადგურა, ბრუნო ფერნანდეშმა კი აღნიშნა, რომ გუნდში ყველამ შვებით ამოისუნთქა, როცა კრიშტიანუ რონალდუმ დუბლით უპასუხა კრიტიკას.
კონგოსთან უგოლო ფრის შემდეგ, მანჩესტერ იუნაიტედის ნახევარმცველმა, რომელმაც კაპიტანს საგოლე პასიც გაუკეთა, მის როლს გაუსვა ხაზი.
ძალიან მნიშვნელოვანი იყო, რომ ჩვენს კაპიტანს გაეტანა. ეს მთელ გუნდს სჭირდებოდა. თავდასხმაში ის ჩვენი მთავარი იმედია და მისი წარმატება უზომოდ გვიხარია
ამ დუბლით რონალდუმ ისტორია დაწერა - ის გახდა პირველი ფეხბურთელი, ვინც ექვს სხვადასხვა მუნდიალზე გაიტანა. მიუხედავად იმისა, რომ თავად ბრუნომ პრემიერ ლიგაში სეზონური რეკორდი მოხსნა 21 საგოლე პასით, ნაკრებში საკუთარ ამბიციებს წინ არ აყენებს:
„მთავარია პორტუგალიამ მოიგოს და მნიშვნელობა არ აქვს, გოლს მე გავიტან თუ სხვა. ჩემი დროც მოვა - ზუსტად მაშინ, როცა გუნდს ყველაზე მეტად დასჭირდება“.
ჯგუფში პირველი ადგილის მოსაპოვებლად პორტუგალია მომდევნო მატჩს მაიამიში, კოლუმბიის წინააღმდეგ გამართავს.
