ფილიპე ლუისი: "პსჟ-ს წინააღმდეგ პენალტებამდე მისვლა დიდი მიღწევაა"

საკონტინენტთაშორისო თასის ფინალის შემდეგ, ფლამენგოს მთავარმა მწვრთნელმა, ფილიპე ლუისმა მატჩი შეაფასა.

"ამ გუნდის წინააღმდეგ პენალტების სერიამდე მისვლა ნამდვილი მიღწევა იყო. მათ მატჩის დაწყებიდანვე თავიანთი რიტმი დააწესეს და სერიოზული სირთულეები შეგვიქმნეს.

ისინი მუდმივად ცდილობდნენ თამაშს, არაფერს ერიდებოდნენ. შემდეგ მათმა ტაქტიკურმა ცვლილებებმა კიდევ უფრო გაგვირთულა საქმე. ვერ შევძელით მათი გარღვევა.

ალექს სანდრომ, ვარელამ, პლატამ და ნახევარმცველებმა უნაკლო მატჩი ჩაატარეს, ნახევარმცველები კი უკვე მე-60 წუთისთვის ძლივს სუნთქავდნენ. ჩვენი პრესინგის ინტენსივობის მიუხედავად, ისინი მაინც გვაბრუნებდნენ საკუთარ საჯარიმოში.

არ მიჭირს ვაღიარო, რომ ისინი ძალიან ძლიერები არიან. პირიქით, აღფრთოვანებული ვარ, როცა საკუთარი თვალით ვუყურებ, როგორ თამაშობენ.

ეს იყო ჩემი პირველი მარცხი ფინალში ამ ჯგუფთან ერთად, როგორც მწვრთნელისთვის. არა რომელიმე რიგითი მეტოქის წინააღმდეგ, არამედ ლუის ენრიკეს პსჟ-სთან, ექვსგზის ჩემპიონებთან: ჩემპიონთა ლიგა, საფრანგეთის თასი, ევროპის სუპერთასი და ახლა უკვე საკონტინენტთაშორისო თასი.

გუნდი, რომელიც ფანტასტიკურად თამაშობს, ჰყავს საუკეთესო მწვრთნელი და ოქროს ბურთის მფლობელი.

მინდა მივულოცო მათ ეს გზა. ჩვენ შევძელით მატჩის პენალტებამდე მიყვანა, ძალიან ახლოს ვიყავით. ერთ დღეს სამხრეთამერიკული გუნდი მოიგებს ამ ტიტულს, მაგრამ ევროპელებისა და მათი ელიტარული მწვრთნელების დონე წარმოუდგენელია." - განაცხადა ბრაზილიელმა.

VIDEO: კვარას გოლი და საფონოვის მოგერიებული 4 პენალტი - პსჟ საკონტინენტთაშორისო თასის მფლობელია