ფინიქს სანსმა კევინ დურანტი გაცვალა

NBA-ის ცნობილი ინსაიდერის, შამს ჩარანიას ინფორმაციით, ფინიქს სანსი ფინალების ორგზის MVP-ს, კევინ დურანტს ჰიუსტონ როკეტსში ცვლის.

ფინიქსი სანაცვლოდ ჯეილენ გრინს, დილონ ბრუკსს, 2025 წლის დრაფტზე მე-10 არჩევანსა და მეორე რაუნდის 5 არჩევანს მიიღებს.

36 წლის დურანტისთვის ეს კარიერაში მე-5 გუნდი იქნება. კევინი 2007 წელს დრაფტზე სიეტლ სუპერსონიკსმა (შემდეგში ოკლაჰომა სიტი თანდერი) აირჩია.

KD-მ 2016 წლამდე ოკლაჰომაში ითამაშა, სადაც რეგულარული სეზონის MVP (2014) გახდა, შემდეგ კი გოლდენ სტეიტ უორიორსში გააგრძელა კარიერა, სადაც ჩემპიონობა 2-ჯერ შეძლო.

2019-2023 წლამდე დურანტი ბრუკლინ ნეტსში ასპარეზობდა, 2023 წლიდან კი ფინიქს სანსის ღირსებას იცავდა.