პიოლის ისტორიული ანტირეკორდისა და წასვლის შემდეგ, მილანი ინტერთან აღარ აგებს

მილანი სტეფანო პიოლის წასვლის შემდეგ ინტერთან აღარ აგებს.

გუშინდელ მატჩში როსონერი მეზობელ გუნდთან მინიმალურად იგებდა, თუმცა გამარჯვება ხელიდან ბოლო წუთებზე გაუშვა და მატჩი ფრედ 1:1 დასრულდა.

6 იანვარს გუნდები ერთმანეთს იტალიის სუპერთასის ფინალში დაუპირისპირდნენ და იქ მილანმა 0:2-დან 3:2 მოგება შეძლო.

კიდევ ერთი გამარჯვება შავ-წითლებმა პრინციპულ მეტოქესთან 22 სექტემბერს, პაულო ფონსეკას ხელმძღვანელობით მოიპოვეს - 2:1.

იქამდე, მილანს ზედიზედ ექვსი დერბი ჰქონდა წაგებული, რაც ისტორიული ანტირეკორდის გამეორება იყო. ექვსივე ამ მატჩში მილანს სტეფანო პიოლი წვრთნიდა.