მადრიდის რეალის ვინგერმა, ვინისიუს ჟუნიორმა სახის კორექციის პროცედურა ჩაიტარა, – იტყობინება ჟურნალისტი ლეო დიასი.
წყაროს ცნობით, ბრაზილიელმა ფეხბურთელმა ნიკაპის ჰარმონიზაციის პროცედურა გაიკეთა. ექიმმა-დერმატოლოგმა ალესანდრო ალარკაომ თავდაპირველად რეალის ვარსკვლავთან ერთად გადაღებული ფოტო სოციალურ ქსელში გამოაქვეყნა, თუმცა მოგვიანებით წაშალა.
გარდა ამისა, ფეხბურთელი ინფლუენსერ ვირჯინია ფონსეკას ფიტნეს-კლუბის გახსნას ეწვია. ვირჯინიამ ვინისიუსთან ერთად გადაღებული ფოტო თავად გამოაქვეყნა.
ვრცელდება ინფორმაცია, რომ წყვილმა ურთიერთობა აღადგინა. შეგახსენებთ, რომ მათი დაშორების შესახებ მაისში იწერებოდა.
