პრემიერ ლიგა მსოფლიოს უძლიერეს ჩემპიონატად ითვლება, თუმცა ნამდვილი „მსოფლიო კლასის“ სტატუსს მხოლოდ ერთეულები იმსახურებენ.
GIVEMESPORT-მა გამოაქვეყნა იმ 11 ფეხბურთელის სია, რომლებიც ამჟამინდელი ფორმით, გუნდისთვის მნიშვნელობითა და სტატისტიკით პლანეტის საუკეთესო მოთამაშეებად ითვლებიან.
მანჩესტერ სიტი: სამეული სათავეში
გასაკვირია, მაგრამ პეპ გვარდიოლას გუნდიდან სიაში მხოლოდ სამი მოთამაშე მოხვდა.
როდრი
2024 წლის ოქროს ბურთის მფლობელმა ტრავმების სერია დაძლია და მისი დაბრუნება სიტის საჩემპიონო რბოლისთვის გადამწყვეტი აღმოჩნდა.
ერლინგ ჰალანდი
ნორვეგიელი გოლების მანქანაა. ის ზედიზედ მესამე სეზონშიც საუკეთესო ბომბარდირის ტიტულისკენ მიისწრაფვის.
ჯანლუიჯი დონარუმა
ედერსონის შემცვლელმა იტალიელმა დაამტკიცა, რომ მსოფლიოს ერთ-ერთი საუკეთესო მეკარეა.
არსენალი: დაცვისა და ნახევარდაცვის მონსტრები
მიკელ არტეტას გუნდს ყველაზე მეტი - 4 მსოფლიო დონის ვარსკვლავი ჰყავს:
დეკლან რაისი
მისი 100-მილიონიანი ტრანსფერი სრულად გამართლდა.
უილიამ სალიბა და გაბრიელ მაგალაესი
პლანეტის საუკეთესო დაცვითი დუეტი.
დავიდ რაია
23 მშრალი მატჩით მან მსოფლიოს საუკეთესო მეკარეებს შორის ადგილი დაიმკვიდრა.
ჩელსი, იუნაიტედი და ლივერპული
მოიზეს კაისედო
115-მილიონიანი ფასი გაამართლა და მოედნის ცენტრში ნამდვილ მონსტრად იქცა. მას გვერდს უდგას კაპიტანი რის ჯეიმსი, რომელიც ტრავმების შემდეგ იდეალურ ფორმაშია.
ბრუნო ფერნანდესი
მანჩესტერი ერთადერთი მსოფლიო დონის ვარსკვლავია. ის წელს პრემიერ ლიგის ასისტების რეკორდის მოხსნას უმიზნებს.
რაც შეეხება ლივერპულს, მძიმე სეზონის ფონზე, მხოლოდ ვირჯილ ვან დაიკმა შეინარჩუნა ელიტარული სტატუსი. მოჰამედ სალაჰმა კი, რომელიც სეზონის ბოლოს გუნდს ტოვებს, ეს წოდება დაკარგა.