ქართული გოლი სანტიაგო ბერნაბეუზე - მიქაუტაძემ რეალს გაუტანა (VIDEO)

გიორგი მიქაუტაძემ მადრიდის რეალს სანტიაგო ბერნაბეუზე გაუტანა. ქართველმა ფორვარდმა, რომელიც 46-ე წუთზე ცვლილებაზე შევიდა, ტიბო კურტუას კარი ლამაზი დაბალი დარტყმით აიღო და სხვაობა შეამცირა - 1:2.

მიქაუტაძემ, ვილიარეალის მაისურით, ჯერ ოსასუნას გაუტანა, შემდეგ ჩემპიონთა ლიგაზე იუვენტუსს, ახლა კი სამეფო კლუბის კარში მისსავე მოედანზე შეაგდო.

ჟორჟს მიმდინარე ლა ლიგაში 3 საგოლე მოქმედება აქვს - 2 გოლი და 1 ასისტი (სევილიასთან).

საბოლოოდ, ვინისიუსის დუბლისა და მბაპეს გოლის წყალობით, ბლანკოსმა 3:1 მოიგო, 8 ტურის შემდეგ 21 ქულა დააგროვა და ბარსელონას გადაასწრო - კატალონიელები სევილიასთან გასვლით მატჩს ხვალ ითამაშებენ.

ვილიარეალს 16 ქულა აქვს და ცხრილში მხოლოდ რეალსა და ბარსას ჩამორჩება. მარსელინოს გუნდი მომდევნო ტურში ბეტისს უმასპინძლებენ.