რეალმა ვალენსიაში დაზარალებულთა დასახმარებლად 1 მილიონი ევრო გაიღო

როგორც იცით, ვალენსიაში სტიქია მძვინვარებს, რომელმაც 50-ზე მეტი ადამიანის სიცოცხლე იმსხვერპლა.

ამის გამო ვალენსიას და ლევანტეს სათასო მატჩები გადაიდო, ასევე არ ჩატარდება 2 ნოემბრის მატჩი ვალენსია - რეალიც.

მადრიდულმა კლუბმა ოფიციალურად დაადასტურა, რომ ვალენსიას დაზარალებულთა დახმარებისთვის 1 მილიონი ევრო გადარიცხა.

რაც შეეხება ვალენსია - რეალის მესტალიაზე გასამართ თამაშს, მისი ჩატარების დრო ჯერჯერობით უცნობია.