რეალმა ზალცბურგი გაანადგურა და მერვედფინალში პირველი ადგილით გავიდა

მსოფლიო საკლუბო ჩემპიონატზე ჯგუფური ეტაპი ოფიციალურად დასრულდა.

H ჯგუფის ბოლო შეხვედრაში მადრიდის რეალმა ზალცბურგი 3:0 გაანადგურა და ჯგუფში პირველი ადგილი ოფიციალურად გაინაღდა.

ჩაბი ალონსოს გუნდის რიგებში გოლები ვინისიუსმა, ფედე ვალვერდემ და გონსალო გარსიამ გაიტანეს და რეალს დამაჯერებელი გამარჯვება მოუტანეს.

მადრიდელებმა ჯგუფი 7 ქულით დაასრულეს - ალ ჰილალთან ფრის შემდეგ სამეფო კლუბმა ჯერ პაჩუკას მოუგო 3:1, შემდეგ კი ზალცბურგს - 3:0.

1/8 ფინალში რეალის მეტოქე იუვენტუსი იქნება, რომელიც თავის (G) ჯგუფში მე-2 ადგილზე გავიდა.