უეფას ჩემპიონთა ლიგის პლეი-ოფის წილისყრა დღეს, 15:00 საათზე გაიმართება.
წილისყრაში მონაწილეობას ლიგის ფაზაში მე-9-დან 24-ე ადგილამდე გასული გუნდები იღებენ, ლიგის ეტაპის საუკეთესო 8 გუნდი ავტომატურად გადის მერვედფინალში.
განთესილები - რეალი, ინტერი, პსჟ, ნიუკასლი, იუვენტუსი, ატლეტიკო, ატალანტა, ლევერკუზენი
განუთესავები - დორტმუნდი, ოლიმპიაკოსი, ბრიუგე, გალათასარაი, მონაკო, ყარაბაღი, ბოდო/გლიმტი, ბენფიკა
კლუბები ლიგის ფაზის საბოლოო პოზიციების მიხედვით წყვილდება და ფორმირდება ოთხი განთესილი წყვილი (მე-9 და მე-10 ადგილებზე გასული კლუბები, მე-11 და მე-12, მე-13 და მე-14, მე-15 და მე-16) და ოთხი განუთესავი წყვილი (მე-17 და მე-18 ადგილები, მე-19 და მე-20, 21-ე და 22-ე, და 23-ე და 24-ე).
თითოეული განთესილი წყვილის კლუბები განუთესავი წყვილების კლუბებს ეთამაშებიან: მე-9 ან მე-10 ადგილზე გასული კლუბები 23-ე ან 24-ე ადგილზე გასულ კლუბებს დაუპირისპირდებიან; მე-11 ან მე-12 – 21-ე ან 22-ეს; მე-13 ან მე-14 – მე-19 ან მე-20-ს; ხოლო მე-15 ან მე-16 – მე-17 ან მე-18-ს.
