ჩემპიონთა ლიგის ლიგის ფაზის მე-8 ტურში, პსჟ-მ ნიუკასლთან 1:1 ითამაშა, რის გამოც პლეი-ინში თამაში მოუწევს, რათა 1/8 ფინალის საგზურისთვის იბრძოლოს.
პლეი-ინში მოქმედი ჩემპიონის მეტოქეს წილისყრა გაარკვევს, ვარიანტი კი ორია - ყარაბაღი ან მონაკო. საგულისხმოა, რომ პსჟ-ს გასულ, საჩემპიონო სეზონშიც პლეი-ინში ასპარეზობა მოუწია.
აზერბაიჯანული ყარაბაღი ჩემპიონთა ლიგის პლეი-ოფის ეტაპზე ისტორიაში პირველად გავიდა, მონაკომ კი კონკრეტულად პლეი-ინის ეტაპზე გასულ სეზონშიც ითამაშა და ბენფიკასთან ორრაუნდიანი ბრძოლა დათმო.
საინტერესოა, რომ პლეი-ინის დაძლევის შემთხვევაში, პსჟ-ს მეტოქე 1/8 ფინალში ბარსელონა ან ჩელსი იქნება.
ჩემპიონთა ლიგის პლეი-ინის პირველი მატჩები - 17-18 თებერვალს, ხოლო განმეორებითები 24-25 თებერვალს ჩატარდება.
