"როცა ბენფიკას მეკარე შეტევაში წავიდა, ვიფიქრეთ — რას შვრებაო", — გვარდიოლა ბენფიკა - რეალის მატჩზე

მთავარმა მწვრთნელმა პეპ გვარდიოლამ თქვა, რომ თვალს ადევნებდა ჩემპიონთა ლიგის მატჩის ბოლო წუთებს, სადაც ბენფიკამ რეალს 4:2 მოუგო.

მანჩესტერ სიტიმ საკუთარ შეხვედრაში გალათასარაის 2:0 მოუგო. პორტუგალიურმა კლუბმა მეოთხე გოლი მადრიდელებს გუნდის მეკარის, ანატოლი ტრუბინის დარტყმით გაუტანა და პლეი-ინის ეტაპზე გავიდა.

„მთელი გუნდით ვუყურებდით მატჩის ბოლო წუთებს, მაგრამ არ ვიცოდით, რომ ბენფიკას გასასვლელად ერთი გოლი სჭირდებოდა. ამიტომ, როცა მეკარე წინ წავიდა, ყველანი ერთმანეთს ვეკითხებოდით: რატომ წავიდა იქ? რეალს რომ გაეტანა, ჩვენ 8 საუკეთესოში ვეღარ მოვხვდებოდით.

მაგრამ ჟოზე მოურინიოსთვის ეს კარგი სტრატეგია იყო და მეოთხე გოლიც გაიტანა, – თქვა პეპ გვარდიოლამ.

„დიახ, რა თქმა უნდა“, – უპასუხა პეპმა კითხვაზე, გაუგზავნის თუ არა მესიჯს მოურინიოს.