რეალში უნაი ემერის დანიშვნის ვარიანტს სერიოზულად განიხილავენ

მადრიდის რეალი მთავარ მწვრთნელად უნაი ემერის დანიშვნას განიხილავს.

როგორც ესპანელი ჟურნალისტი რამონ ალვარეს დე მონი და ასევე გამოცემა Sky Sports Deutschland იტყობინებიან, ესპანელი სპეციალისტი რეალის ინტერესთა სფეროში მოექცა.

სეზონის ბოლომდე გუნდს არბელოა უხელმძღვანელებს და რომელიმე ტიტულის მოგების შემთხვევაში, გუნდის სათავეში დარჩება კიდეც.

ხოლო იმ შემთხვევაში, თუ რეალი ზედიზედ მეორე სეზონს დაასრულებს დიდი ტიტულის გარეშე, არბელოა კლუბს დატოვებს და მის ნაცვლად ახალი მწვრთნელი მოვა.

ერთ-ერთ ვარიანტად კი სწორედ უნაი ემერი მოიაზრება, რომელთანაც, როგორც ზემოთხსენებული წყარო წერს, კლუბმა პირველი კონტაქტები უკვე დაამყარა კიდეც.

მადრიდის რეალი მოხიბლულია ემერის მიერ ასტონ ვილაში ჩატარებული სამსახურით და მას, როგორც მწვრთნელს, ძალიან აფასებს.