"ამ მოსაზრებას არ ვეთანხმები", — არბელოამ მბაპე და ვინისიუსი დაიცვა

მთავარმა მწვრთნელმა ალვარო არბელოამ ჩემპიონთა ლიგის ჯგუფურ ეტაპზე ბენფიკასთან (2:4) მარცხზე კომენტარი გააკეთა.

არბელოა: "როცა რაღაც არ გამოდის, მთლიანად მე ვარ პასუხისმგებელი"

„თუ ფიქრობთ, რომ ეს თამაში ასე იმიტომ წავიდა, რომ ორი თავდამსხმელი საკმარისად ბევრს არ დარბოდა, ამ მოსაზრებას კატეგორიულად არ ვეთანხმები.

ძალიან შორს ვიყავით იმ თამაშისგან, რომლის ჩვენებაც გვინდოდა, თუ გავითვალისწინებთ მატჩის სირთულეს, მეტოქის მოთხოვნებს, ატმოსფეროს, მათ მოტივაციას და ჩვენს საკუთარ მიზნებს.

ვფიქრობ, 90 წუთის განმავლობაში საჭირო დონეზე თამაში ვერ შევძელით. ვიცოდით, რომ წინ დიდი სამუშაო გველოდა და გვესმის, რომ კიდევ ბევრი რამ გვაქვს გასაკეთებელი.

ასეთი მატჩის მოსაგებად საჭიროა ბევრი რამ კარგად გააკეთო 90 წუთის განმავლობაში და არა მხოლოდ ერთ კომპონენტში იყო კარგი.“, – განაცხადა ალვარო არბელოამ.