რომელ ეტაპზეა გორგოძე ამერიკულ ტურნირზე?

ეკო გორგოძე, ამერიკის ქალაქ ლანდისვილში მიმდინარე ქალთა W100 კატეგოორის ტურნირზე, წარმატებულ გამოსვლას აგრძელებს.

ქართველმა ჩოგბურთელმა 1/16 ფინალში ჩინელ სიაოდი იუს (WTA-ის 198-ე ჩოგანი) 3-სეტიან ბრძოლაში აჯობა (6:0; 1:6; 6:3), 1/8 ფინალში კი ეკატერინა ოვჩარენკოს (546-ე ჩოგანი) რთული 2-სეტიანი შეხვედრა მოუგო - 7:6; 6:4.

ტურნირზე მე-9 ნომრად განთესილი ქართველი, რომელიც მსოფლიოს 184-ე ჩოგანია, 1/4 ფინალურ შეხვედრაში ამერიკელ კეროლაინ დოულჰაიდს (256-ე ჩოგანი) შეხვდება.

შეგახსენებთ, 34 წლის გორგოძემ ივლისში გერმანიის ქალაქ აშაფენბურგში გამართული W100-ის კატეგორიის ტურნირი მოიგო და ერთეულთა კარიერულ ტიტულატურაში უკვე 20 ჩემპიონობა აქვს.