„ეს ბიჭი ჩემზე უკეთესია“ – რონალდინიოს წინასწარმეტყველება მესის შესახებ.
მაქსი ლოპესმა ლიონელ მესის კარიერის საწყისი წლები გაიხსენა და გაამხილა, რომ ბარსელონას ლეგენდამ, რონალდინიომ, მაშინვე აღიარა არგენტინელი თინეიჯერის უპირატესობა. მაშინ, როცა ბრაზილიელი ფეხბურთის სამყაროს მწვერვალზე იმყოფებოდა და ოქროს ბურთს იგებდა, მან კარგად დაინახა, რომ მესი ყველაზე დიდ კვალს დატოვებდა ფეხბურთის ისტორიაში.
ბუნებრივი ნიჭი 16 წლის ასაკში
მაქსი ლოპესი, რომელიც ბარსელონას 2005 წელს შეუერთდა, იხსენებს, რომ 16 წლის მესი მოედანზე ისეთივე თავდაჯერებული იყო, როგორც 30 წლის ვეტერანები.
უკვე მაშინ ჩანდა, რომ ეს ბიჭი განსხვავებული იყო. ჰქონდა საოცარი ძალა და სისწრაფე. რონალდინიო მეუბნებოდა: „ეს ბიჭი ჩემზე უკეთესია“. წარმოიდგინეთ, ამას ამბობდა რონალდინიო, რომელიც თავის პიკში იყო და ოქროს ბურთს იგებდა
მორცხვი, მაგრამ მხიარული მესი
ლოპესის თქმით, მესი ბევრად უფრო კომუნიკაბელური იყო გასახდელში, ვიდრე ეს საზოგადოებისთვის ჩანდა. მაშინდელი მორცხვი თინეიჯერი დღეს უკვე მსოფლიო ფეხბურთის ლიდერი და 8-გზის ოქროს ბურთის მფლობელია, რომელიც არგენტინის ნაკრებთან ერთად 2026 წლის მსოფლიო ჩემპიონატზე ტიტულის დასაცავად ემზადება.
რონალდინიოს მაშინდელი სიტყვები დღეს უკვე ისტორიულ ფაქტად იქცა. მათ, ვისაც ნამდვილი გენიალურობის ამოცნობა შეუძლია, თავიდანვე იცოდნენ, რომ ლიონელ მესი ფეხბურთის ისტორიაში ახალ ეპოქას ქმნიდა.
