რონალდუს აღიარება: რატომ არიან ჯორჯინა და დოლორესი მისი ცხოვრების საყრდენი?

კრიშტიანუ რონალდუს ემოციური მიმართვა დედის დღეს.

დედის დღესთან დაკავშირებით, კრიშტიანუ რონალდუმ საკუთარ ინსტაგრამზე გულახდილი და ემოციური პოსტი გამოაქვეყნა. 41 წლის პორტუგალიელმა ვარსკვლავმა საკუთარ ცხოვრებაში ორ ყველაზე მნიშვნელოვან ქალს, ჯორჯინა როდრიგესსა და დედამისს, მარია დოლორეს დოს სანტოს ავეიროს, მადლიერება საჯაროდ გამოუცხადა

„მათ, ვინც ყოველთვის ჩემს გვერდით არიან. გილოცავთ დედის დღეს.“

რონალდუმ ორი ფოტო გააზიარა: ერთზე ჯორჯინა ხუთ შვილთან ერთად არის აღბეჭდილი, მეორეზე კი თავად კრიშტიანუ დედასთან ერთად.

ოჯახური სიმტკიცე

კრიშტიანუსთვის ჯორჯინა და დედამისი, დოლორესი, წარმატების მთავარ გარანტებად რჩებიან. რონალდუ არაერთხელ აღნიშნავდა იმ გადამწყვეტ როლს, რომელსაც ჯორჯინა ბავშვების აღზრდასა და მისი პროფესიული ცხოვრების ბალანსირებაში ასრულებს. ასევე, ფეხბურთელი ხშირად საუბრობს იმ მსხვერპლზე, რომელიც დედამისმა მისი კარიერის აწყობისთვის გაიღო.

სპორტული წარმატება

პირად ცხოვრებასთან ერთად, რონალდუ სატურნირო ცხრილშიც შესანიშნავად გამოიყურება. ალ ნასრი, რომელშიც ის 2023 წლიდან თამაშობს, საუდის არაბეთის პრო ლიგის ლიდერია. გუნდს 79 ქულა აქვს და ჩემპიონობისკენ მიმავალ გზაზეა. კრიშტიანუსთვის, რომელიც 2026 წლის მსოფლიო ჩემპიონატის მოლოდინშია, ოჯახური სიმშვიდე და კლუბში სტაბილური ასპარეზობა ახალი მიზნების მისაღწევად გადამწყვეტი ფაქტორია.