პსჟ-ის ყოფილმა ფეხბურთელმა, ჟერომ როტენმა, პარიზული კლუბი პასიურობისა და გუნდში არსებული „მოდუნებული“ ატმოსფეროს გამო მკაცრად გააკრიტიკა.
„მათ შესაძლოა ლე ავრთანაც კი წაიფორხილონ! გასულ სეზონთან შედარებით, გასახდელში ახლა საკმაოდ მოდუნებული ატმოსფეროა. ფეხბურთელები დაიღალნენ, მათ ენერგია აკლიათ.
ეს პარკ დე პრენსზეც იგრძნობოდა. მართალია, ხანდახან აქვთ სურვილი და მენტალიტეტიც... ისინი მარსელივით არ არიან, ყოველთვის ბოლომდე იბრძვიან, თუმცა გუნდის შიგნით ხდება რაღაცები, რაც კოლექტივზე კარგად არ აისახება.
ერთადერთი, ვინც ინიციატივას საკუთარ თავზე იღებს და ბიჭების გამოფხიზლებას ცდილობს, მარკინიოსია. მადლობა ღმერთს, რომ ის იქაა! დანარჩენები კი ამორფულები არიან. ხმას არავინ იღებს, მათ გასახდელში ბუზის გაფრენის ხმასაც კი გაიგონებთ“. — აღნიშნა როტენმა.
შეგახსენებთ, რომ პსჟ შაბათს, საფრანგეთის ჩემპიონატის 24-ე ტურში, სტუმრად ლე ავრს დაუპირისპირდება.
