რუმენიგე: "მორჩით კალენდარზე წუწუნს, ამ ხაფანგში თავი თვითონ ჩაიგდეთ"

კარლ ჰაინც რუმენიგე ფეხბურთში გადატვირთულ კალენდარს თავად ფეხბურთელებს აბრალებს.

„ფეხბურთელები წუწუნს უნდა მოეშვან.

ყველანაირი მოლაპარაკებები ახალ კონტრაქტზე, რომელსაც ბოლო პერიოდში ვაკვირდებოდი, ერთი მიმართულებით მიმდინარეობს: ფეხბურთელები უფრო, უფრო და უფრო მეტს და უფრო სწრაფად ითხოვენ. თუმცა, ეს ფული საიდანმე ხომ უნდა მოდიოდეს?

კიდევ კარგია, რომ გერმანულმა ლიგამ ტელეუფლებებიდან შემოსული შემოსავალი შეინარჩუნა და 2%-ით გააუმჯობესა კიდეც. მაგრამ, ფეხბურთელები და მათი აგენტები სულ უფრო და უფრო მეტს ითხოვენ, ამიტომ ეს 2% დიდხანს ვერ გაჩერდება.

მაშინ, ფული სხვა ტურნირებიდან უნდა გამოიმუშავო, ისეთიდან, როგორიც ახალი მსოფლიო საკლუბო ჩემპიონატია. 

ეს არის ხაფანგი, რომელშიც ფეხბურთელებმა თავი თავად ჩაიგდეს." - აღნიშნა ბაიერნის სადამკვირვებლო საბჭოს წევრმა Bild-თან ინტერვიუში.