ხეტაფესთან 2:0 გამარჯვების შემდეგ, ბარსელონამ მადრიდის რეალთან უპირატესობა თერთმეტ ქულამდე გაზარდა, სეზონის დასრულებამდე კი მხოლოდ ხუთი ტურია დარჩენილი. ახლა უკვე მთავარი კითხვა აღარ არის ის, გახდება თუ არა ბარსელონა ჩემპიონი, არამედ გვაინტერესებს როდის და სად იზეიმებენ ისინი ზედიზედ მეორე ტიტულს.
გადაწყვეტილება შესაძლოა 34-ე ტურშივე იქნას მიღებული. თუ ბარსელონა ოსასუნას დაამარცხებს, რეალი კი ესპანიოლთან ქულებს დაკარგავს, ფლიკის გუნდი მათემატიკურად მიუღწეველი გახდება. ამას აუცილებლად მოჰყვება დებატები 10 მაისის ელ კლასიკოზე საპატიო დერეფნის (Pasillo) მოწყობასთან დაკავშირებით - პატივი, რომელზეც მადრიდის რეალი, ნეგრეირას საქმის გამო, უარის თქმას უკვე განიხილავს.
იმ შემთხვევაში, თუ ორივე გუნდი მოიგებს მომდევნო მატჩებს, ბარსელონა შესაძლოა ჩემპიონად რეალთან უშუალო დაპირისპირებაში გამარჯვებით ან ფრით მოგვევლინოს.
