დანიელი მცველი კატალონიურ გრანდში დარჩება.
ფაბრიციო რომანოს ინფორმაციით, ანდრეას კრისტენსენმა ბარსელონასთან ახალი, 1-წლიანი კონტრაქტი შეათანხმა.
ფეხბურთელს კატალონიურ კლუბთან ხელშეკრულება 30 ივნისს ეწურებოდა და ბევრი დაიწერა, რომ ის კლუბს თავისუფალი აგენტის სტატუსით დატოვებდა.
თუმცა, საბოლოოდ კრისტენსენი ბარსას მიერ შეთავაზებულ პირობებს დათანხმდა და კლუბში კიდევ მინიმუმ ერთი წლით დარჩება.
30 წლის ცენტრალური მცველი ბარსაში 2022 წელს ჩელსიდან თავისუფალი აგენტის სტატუსით შეუერთდა.
