მარკ კუკურელიამ რეალში გადასვლის გამო ბარსელონას ფანების უკმაყოფილება შეაფასა.
რეალის მცველმა მარკ კუკურელიამ, რომელიც ბარსელონას აღზრდილია, მადრიდულ კლუბში ტრანსფერის გამო კატალონიური გუნდის გულშემატკივრების უკმაყოფილებაზე ისაუბრა.
„ყველას აზრს პატივი უნდა ვცე. ძალიან მადლობელი ვარ ყველაფრისთვის, რაც კარიერაში გამოვიარე და იმისთვის, რაც ლა მასიაში ვისწავლე.
მაგრამ ცხოვრებაში სხვადასხვა ეტაპები არსებობს და ჩავთვალე, რომ რეალში გადასვლა ჩემთვის სწორი ნაბიჯი იყო. როდესაც მადრიდი შენით ინტერესდება, უარის თქმა ძალიან რთულია. ეჭვიც არ მეპარებოდა, რომ ეს იყო ის ნაბიჯი, რომლის გადადგმაც მე და ჩემს ოჯახს გვინდოდა.
ზეწოლა დიდი იქნება, თუმცა როდესაც რეალისნაირ კლუბში გადადიხარ, ტიტულებისთვის ბრძოლა გსურს. მე ამისთვის მზად ვარ. იოლი კარიერა არ მქონია. რეალში თამაშის შესაძლებლობა ჩემი კარიერის სულ სხვა დონეზე აყვანის ფანტასტიკური გზაა.
ჩემი მეუღლე და მისი ოჯახი ყოველთვის რეალის გულშემატკივრები იყვნენ.
როდესაც ურთიერთობაში ხარ, ფეხბურთით როგორც ფანი ისე აღარ ცხოვრობ - იწყებ იმაზე ფიქრს, თუ რა არის შენთვის უკეთესი, რადგან ეს ბიზნესია და ყველაფერი ისე არ ხდება, როგორც წარმოგედგინა.
მაგრამ ის ძალიან ბედნიერი იქნება. ვინ იფიქრებდა, რომ მისი პარტნიორი რეალის ფეხბურთელი გახდებოდა? ის ჩემ გვერდით იყო რთულ მომენტებში და ახლა მიხარია, რომ ამით ერთად შეგვიძლია დავტკბეთ“, – განაცხადა მარკ კუკურელიამ.
