UFC-ის ინგლისელმა ვარსკვლავმა, პედი პიმბლეტმა ილია თოფურიასთან შესაძლო დაპირისპირების შესახებ გავრცელებულ ჭორებზე პირველი კომენტარი გააკეთა.
ხმები მათი ჩხუბის შესახებ მას შემდეგ გავრცელდა, რაც შონ ო’მალის მწვრთნელმა განაცხადა, რომ 12 დეკემბერს, UFC 335-ზე ამ ორთაბრძოლის ჩატარება იგეგმება.
დუბლინში ყოფნისას ბრიტანელმა მებრძოლმა თოფურიასთან შეხვედრის სურვილი არ დაფარა, თუმცა აღნიშნა, რომ ოფიციალური შეთავაზება ჯერ არ მიუღია. პიმბლეტმა განაცხადა, რომ თოფურიას სიამოვნებით დაამსხვრევდა თავის ქალას, თუმცა ჯერჯერობით ამ თემაზე მასთან ორგანიზაციიდან არავის უსაუბრია.
ინგლისელმა მებრძოლმა დასძინა, რომ მისი სავარაუდო მეტოქეების სიაში სხვა ცნობილი მებრძოლებიც შედიან, მათ შორის გეიჯი, რუფი და ჩარლზ ოლივეირა. პიმბლეტი იმედოვნებს, რომ ოქტაგონს წლის ბოლოს, დეკემბერში დაუბრუნდება.
პარალელურად, UFC-ის ინსაიდერების ცნობით, თოფურია-პიმბლეტის ჩხუბი შესაძლოა არ შედგეს. ორგანიზაციაში შიდა განხილვები მიმდინარეობს ილია თოფურიასა და ჯასტინ გეიჯის რევანშის ჩასანიშნად, რაც ამ ეტაპზე უფრო რეალურ სცენარად განიხილება.
