სინერმა ალკარასს მოუგო და შემაჯამებელ ტურნირზე ტიტული დაიცვა

იტალიის ქალაქ ტურინში ATP-ის 2025 წლის შემაჯამებელი ტურნირი დასრულდა.

ფინალურ მატჩში ერთმანეთს კარლოს ალკარასი და იანიკ სინერი დაუპირისპირდნენ.

მატჩი 2 საათი და 4 წუთი გაგრძელდა და საბოლოოდ იტალიელის გამარჯვებით 2 სეტში (6-7, 5-7) დასრულდა.

სინერმა შემაჯამებელ ტურნირი ზედიზედ მეორედ მოიგო და ტიტული სეტის წაუგებლად დაიცვა.

იანიკმა ჯგუფურ ეტაპზე ფელიქს ოჟე-ალიასიმი, ალექსანდერ ზვერევი და ბენ შელტონი დაამარცხა, ნახევარფინალში კი ალექს დე მინორს აჯობა.

იტალიელი გახდა ისტორიაში მე-9 მოთამაშე, რომელმაც ATP Finals ზედიზედ ორჯერ მოიგო.  მისთვის ეს კარიერაში 24-ე ტიტულია.

სინერმა 2025 წლის სეზონში 6 ტიტული მოიპოვა, საიდანაც 2 დიდი სლემია - ავსტრალიის ღია პირველობა და უიმბლდონი. იანიკმა წელს 12 ტურნირში მიიღო მონაწილეობა და 10 მათგანში ფინალში გასვლა მოახერხა.

იტალიელის ტრიუმფის მიუხედავად, 2025 წელს მსოფლიო რეიტინგის სათავეში კარლოს ალკარასი დაასრულებს.