სკანდალი ნაპოლიში: ვარსკვლავებს აძევებენ

ნაპოლის პრეზიდენტმა აურელიო დე ლაურენტისმა გუნდის ვარსკვლავები მკაცრად გააფრთხილა და მიანიშნა, რომ ყოფილი მწვრთნელის, ანტონიო კონტეს კრიტიკის გამო, ხელშეუხებელი არავინაა.

კევინ დე ბრუინისა და ლუკაკუს მომავალი კლუბში ბუნდოვანია – პრეზიდენტი მათ ზაფხულში გაყიდვაზე თანახმაა.

ყველაფერი მას შემდეგ გამწვავდა, რაც დე ბრუინემ კონტეს წასვლა საჯაროდ აღნიშნა. ბელგიელს ტრავმისა და ტაქტიკური უთანხმოებების გამო რთული სეზონი ჰქონდა. დე ლაურენტისმა პრესკონფერენციაზე განაცხადა, რომ ვინც კლუბის კურსით უკმაყოფილოა, წასვლა შეუძლია:

თუ ვინმეს წასვლა მოუწევს, წავა. რა არის ამაში პრობლემა? მსოფლიოში უამრავი ფეხბურთელია

დე ბრუინმა ღიად გააკრიტიკა კონტეს ჩაკეტილი, დაცვითი სტილი (4-5-1 განლაგება):

ჩემთვის მისი წასვლა კარგია... კონტეს ფეხბურთზე ჩემგან სრულიად განსხვავებული ხედვა აქვს. რეალურად, საკუთარ პოზიციაზე თამაშის შესაძლებლობა არ მქონია

ბელგიელების კრიტიკამ და ლუკაკუს მიერ დისციპლინის დარღვევამ (რის გამოც 150 000 ევროთი დაჯარიმდა), კლუბის მოთმინება ამოწურა. ნაპოლი მზადაა ლუკაკუ ზაფხულში 10 მილიონ ევროდ დათმოს, მისით კი საუდის არაბეთისა და თურქეთის გუნდები ინტერესდებიან.

გუნდში ახალ მწვრთნელად მასიმილიანო ალეგრის მოაზრებენ. დე ლაურენტისმა დაადასტურა, რომ ფეხბურთელების გაყიდვაზე საბოლოო სიტყვა სწორედ ახალ დამრიგებელს ეკუთვნის.