არნე სლოტმა პსვ-სთან განადგურებაზე (1:4) ისაუბრა.
- რამდენი დრო დაგჭირდებათ ასეთი წაგების შემდეგ გონზე მოსასვლელად?
„ბევრი. მეტი, ვიდრე გამარჯვების შემდეგ გვჭირდება ხოლმე, იმიტომ რომ როცა იგებ, პირდაპირ შემდეგ თამაშზე კონცენტრირდები.
ახლა უნდა შევეცადოთ პასუხები მოვიძიოთ, რაც არც ისე მარტივია, როგორც ერთი შეხედვით ჩანს, რადგან ყველაფერი ასე მარტივი რო იყოს, უბრალოდ ამ პასუხებს გამოვიყენებდი და გუნდს გამარჯვებების გზაზე დავაბრუნებდი.
თუმცა, ძირითადი დრო მომდევნო თამაშისთვის მზადებას დაეთმობა და ეს მზადება ითვალისწინებს არამხოლოდ ტაქტიკას, არამედ შესაძლოა საჭირო გახდეს ინდივიდუალური საუბრები ფეხბურთელებთანაც.
ვცდილობ ყველაფერი გავაკეთო რაც ჩემს ძალებშია, რათა სიტუაცია გავაუმჯობესო. სხვათაშორის, მხოლოდ მე კი არა, ჩემი შტაბი და ფეხბურთელებიც დიდ შრომას ასრულებენ.
როცა ბოლო მატჩის შედეგებს უყურებ - 0:3, 1:4 - შეიძლება იფიქრო, რომ არასაკმარისს ვაკეთებთ, მაგრამ მე დღესაც დავინახე გუნდს, რომელიც უამრავი წარუმატებლობის მიუხედავად, დღეს ცდილობდა სიტუაციის გამოსწორებას, თუმცა შედეგს კვლავ ვერ მიაღწია." - აღნიშნა ნიდერლანდელმა.
