სომხიშვილი და ხარჩილავა ოლიმპიადას გამოეთიშნენ

პარიზის 2024 წლის ოლიმპიადაზე ქალთა +78 კგ. წონით კატეგორიაში საქართველოს სახელით სოფიო სომხიშვილმა იასპარეზა.

ქართველის მეტოქე სადებიუტო შეხვედრაში გერმანელი რენეე ლუხტი იყო, რომელიც სოფიომ იპონით დაამარცხა და შემდეგ ეტაპზე გავიდა, სადაც უკვე ფრანგ რომან დიკოს დაუპირისპირდა, რომელიც მსოფლიო რეიტინგის პირველი ნომერია.

სომხიშვილმა 3 გაფრთხილება მიიღო და ოლიმპიადას 1/8 ფინალურ ეტაპზე დაემშვიდობა.

100 მეტრზე რბენაში საკვალიფიკაციო ეტაპზე იასპარეზა ლიკა ხარჩილავამ, რომელმაც მანძილი 12.37 წამში გაირბინა. ქართველი მე-5 ადგილზე გავიდა, რაც მომდევნო ეტაპზე გადასასვლელად საკმარისი არ აღმოჩნდა.

ორივე სპორტსმენისთვის პარიზის ოლიმპიური თამაშები სადებიუტო იყო.