"თავიდანვე შეცდომა იყო", - კარაგერი ამორიმზე

ლივერპულის ლეგენდას, ჯეიმი კარაგერს მიაჩნია, რომ მანჩესტერმა რუბენ ამორიმი უნდა დაითხოვოს.

პრემიერ ლიგის 6 ტურის შემდეგ იუნაიტედი 7 ქულით ცხრილში მე-14 პოზიციას იკავებს.

„ვფიქრობ, მთავარი მწვრთნელი თანამდებობას ამ დრომდე იმიტომ ინარჩუნებს, რომ კლუბის ხელმძღვანელობას კიდევ ერთი შეცდომის აღიარება არ სურს. ბოლო წლებში მათ უამრავი შეცდომა აქვთ დაშვებული.

თუმცა, რაც ახლა ხდება - კატასტროფაა როგორც კლუბისთვის, ისე პირადად ამორიმისთვის. მან სპორტინგში დიდებულად იმუშავა, როგორც მწვრთნელი ძალიან პერსპექტიულიც არის.

თუმცა მგონია, რომ მანჩესტერის ტრადიციების მქონე კლუბისთვის მისი დანიშვნა თავიდანვე შეცდომა იყო. რაც უფრო მალე იქნება მიღებული გადაწყვეტილება, მით უკეთესი ყველასთვის, იმიტომ რომ როგორც ზემოთ ვთქვი, ეს ორივესთვის კატასტროფაა.

სამწუხაროდ, ახლა უბრალოდ გარდაუვალს ველოდებით, იმიტომ რომ არ გვინდა, რომ ადამიანები სამსახურს კარგავდნენ. თუმცა, ეს რაც შეიძლება მალე უნდა დასრულდეს." - აღნიშნა ინგლისელმა ექს-ფეხბურთელმა.