ბუნდესლიგის მე-2 ტურში ლევრკუზენმა სტუმრად ვერდერთან ფრე 3:3 ითამაშა.
ერიკ ტენ ჰაგის გუნდმა 35-ე წუთისთვის ორი გოლის გატანა მოასწრო და დამაჯერებლად იგებდა. თუმცა, ტაიმის მიწურულს შმიდმა ერთი ბურთი პენალტით გაქვითა და ინტრიგა დააბრუნა.
შესვენების შემდეგ მოედნიდან ვერდერის მცველი ნიკლას სტარკი გააძევეს და ამჯერად მასპინძელთა კარში დაინიშნა პენალტი, რომელიც შიკმა გოლად აქცია, დუბლი მიითვალა და თავის გუნდს 2-ბურთიანი უპირატესობა აღუდგინა.
თუმცა, ფარმაცევტებმა მოახერხეს და 10-კაციან გუნდთანაც კი გაანიავეს 2-ბურთიანი უპირატესობა - შმიდმა 76-ე წუთზე დუბლი შეასრულა, 90+4 წუთზე კი კარიმ კულიბალიმ მესამე გოლი შეაგდო და თავის გუნდს ქულა გადაურჩინა.
ორი ტურის შემდეგ ლევერკუზენი კვლავ მოუგებელია - პირველ ტურში ფარმაცევტები ჰოფენჰაიმთან დამარცხდნენ.
