ვერდერთან წაგების შემთხვევაში, ლევერკუზენი მთავარი მწვრთნელის თანამდებობიდან ერიკ ტენ ჰაგის გაშვებას განიხილავს.
ბუნდესლიგის პირველ ტურში გუნდი ჰოფენჰაიმთან 1:2 დამარცხდა.
Bild-ის ინფორმაციით, პირველ მატჩში გაუაზრებელი თამაშისა და უარყოფითი შედეგის შემდეგ, მეორე ტურში ნიდერლანდელ სპეციალისტს გამარჯვება სჭირდება. წინააღმდეგ შემთხვევაში, სანაკრებო პაუზის დროს, კლუბის ხელმძღვანელობაში მწვრთნელის შეცვლის საკითხი დადგება დღის წესრიგში.
კლუბში მიაჩნიათ, რომ ლევერკუზენი საკმარისად ძლიერია და ბუნდესლიგის ჩემპიონობისთვის ბრძოლა შეუძლია. ტენ ჰაგმა გუნდი გამარჯვებულად უნდა აქციოს და თამაშის კონკრეტული გეგმა ჰქონდეს. ჰოფენჰაიმთან მატჩში კი გაუგებარი იყო, როგორ აპირებს ბაიერი თამაშს და რისი ჩვენება სურს ტენ ჰაგს.
ვერდერს ლევერკუზენი გასვლაზე დღეს, 30 აგვისტოს, თბილისის დროით 17:30-ზე დაუპირისპირდება.
