VIDEO: პეპს გადახალისებული შემადგენლობა ძვირად დაუჯდა - ეტიჰადზე ლევერკუზენმა მოიგო

ჩემპიონთა ლიგის საერთო ფაზის მე-5 ტურში მან სიტი საკუთარ მოედანზე ლევერკუზენთან დამარცხდა.

ეტიჰადზე გამართული დაპირისპირება ფარმაცევტების გამარჯვებით 2:0 დასრულდა.

პეპ გვარდიოლამ მოედანზე გადახალისებული შემადგენლობა გამოიყვანა და დაისაჯა კიდეც - შესვენების შემდეგ შემოსულმა დოკუმ, ფოდენმა და შემდეგ ჰალანდმა სიტუაციის გამოსწორება ვერ მოახერხეს.

23-ე წუთზე ანგარიში გრიმალდომ გახსნა, 54-ზე კი პატრიკ შიკმა მეორე გოლი შეაგდო და პეპის გუნდს მიმდინარე ჩემპიონთა ლიგაზე პირველი მარცხი აგემა.

სიტის 10 ქულა დარჩა და გუნდი მე-6 პოზიციას იკავებს, ლევერკუზენი კი 8 ქულით მე-13 ადგილზეა.

1-0 გრიმალდო 23'

2-0 შიკი 54'