UFC-ის მსუბუქი წონის დივიზიონის მებრძოლი არმან ცარუკიანი ილია თოფურიაზე ლაპარაკს აგრძელებს.
რამდენიმე დღის წინ, დანიელ კორმიესთან საუბარში სომეხმა თქვა, რომ თოფურია მისთვის ჩარლზ ოლივეირაზე კომფორტული მეტოქე იქნება. ასევე აღნიშნა, რომ ილიას და ისლამ მახაჩევის შედარებაც კი არ შეიძლება.
დღეს კი, ცარუკიანმა თოფურიას სივი გააქილიკა:
„დღის სახალისო ფაქტი: თოფურიას პიკზე მყოფი მებრძოლის წინააღმდეგ არასდროს უჩხუბია." - წერს სოციალურ ქსელში არმან ცარუკიანი.
სომეხს UFC 311-ზე მაშინდელი ჩემპიონი ისლამ მახაჩევის წინააღმდეგ უნდა ებრძოლა ქამრისთვის, თუმცა ოფიციალური მიზეზით წელის პრობლემების გამო ჩაეხსნა ბრძოლას, არაოფიციალურით კი - წონა ვერ ჩააბარა.
