"ურთიერთობა მაშინ გაგვიფუჭდა", - ლაპორტა მესიზე

ბარსელონას პრეზიდენტმა, ჟოან ლაპორტამ, ლეო მესისთან ურთიერთობაზე ისაუბრა.

„დიდი ხნის მანძილზე კარგი ურთიერთობა გვქონდა. თუმცა, როცა მისი კონტრაქტი არ გავახანგრძლივეთ, ცოტა გაგვიფუჭდა. თუმცა, მოგვიანებით მეტ-ნაკლებად აღდგა.

დარწმუნებულები ვართ, რომ მისი კარიერის დასრულების შემდეგ, შევძლებთ მისთვის იმის მიცემას, რასაც იმსახურებს." - აღნიშნა ლაპორტამ.

მესიმ ბარსელონა 2021 წელს დატოვა, მას შემდეგ, რაც კლუბის ოფისში კონტრაქტის გასაფორმებლად ჩასულს განუცხადეს, რომ ფინანსური ფეირ-პლეის გამო მასთან ახალი ხელშეკრულება ვერ გაფორმდება.