ვან დაიკი: "გულშემატკივრების სტვენა არ მომწონს, მხარდაჭერა გვჭირდება"

ლივერპულის მცველმა ვირჯილ ვან დაიკმა პრემიერ ლიგაში ბარნლისთან ფრის შემდეგ (1:1) კომენტარი გააკეთა.

„ფრუსტრაცია არის სიტყვა, რომელიც ამ წუთებში თავში მიტრიალებს.

მე-60 წუთის შემდეგ უყურადღებოდ დავიწყეთ თამაში და ეს პირველი შემთხვევა არ არის. ეს პრობლემა უნდა მოვაგვაროთ. ამაზე უკვე ვისაუბრეთ, თუმცა, როგორც ჩანს, ამ საკითხს კიდევ ერთხელ უნდა დავუბრუნდეთ.

ორი დღე გვაქვს, რომ სიტუაცია გავაანალიზოთ. დეტალურ განხილვას გავაკეთებთ და შემდეგ ვიმოქმედებთ. ვიტყოდი, რომ ამ ეტაპზე რაღაც გვაკლია და ამის შეცვლა გვინდა.

ეს არის რეალობა და მხარდაჭერა გვჭირდება. ჩვენი გულშემატკივრების მხრიდან სტვენა არ მომწონს“, — განაცხადა ვან დაიკმა.