მოჰამედ სალაჰის თქმით, ლივერპულის მოპყრობა მისთვის ძალიან საწყენია.
ეგვიპტელმა ლიდსთან (3:3) გამართული მატჩი სრულად სკამზე გაატარა, წინა ორ შეხვედრაში კი თამაშში სკამიდან ერთვებოდა.
„ვერ შევეგუები ამ სიტუაციას. მაპატიეთ, ჰალანდი მიყვარს, თუმცა მე პრემიერ ლიგის მოქმედი საუკეთესო ბომბარდირი ვარ, ლამაზ სტილში მოვიგე ჩემპიონატი. ამიტომ რა თქმა უნდა მტკივა.
იმის გათვალისწინებით, რაც ამ კლუბისთვის მაქვს გაკეთებული, მტკივა. კლუბს კარგად ვიცნობ, აქ უკვე დიდი ხანია ვარ და ვიცი, რომ კარაგერი ხვალ ზედ გადამივლის, მაგრამ არაუშავს.
ამ კლუბისთვის ძალიან ბევრი მაქვს გაკეთებული. გულშემატკივრებიც მიყვარს, კლუბიც, თუმცა არ ვიცი, წინ რა იქნება.
პრემიერ ლიგაში მოსვლის შემდეგ, ამ თაობაში ჩემზე მეტი გოლი არავის გააქვს. არამგონია, რომ ვინმეს ჩემზე მეტი გაეტანა. იყო დრო, როცა კეინი ზედიზედ 10 მატჩი ვერ იტანდა გოლს, მაქსიმუმ ერთი ან ორი გაეტანა, მაგრამ ხალხი წერდა: "აუცილებლად გაიტანს მალე", ჩემს შემთხვევაში კი წერენ, რომ მო სკამზე უნდა გადაჯდეს.
არ ვიცი, ჩემი წასვლა უნდა თუ არა ვინმეს. ამ სიტყვებს ნუ მომაწერთ გთხოვთ. უბრალოდ ასეთი შეგრძნება მაქვს. კითხვა დავსვი და პასუხი ვერ მივიღე. ვიცოდი, რომ დღეს არ ვითამაშებდი. ეს უბრალოდ მივიღე და გადავყლაპე. არნემ იცის, რასაც ვგრძნობ.
ამ კლუბში გადმოსვლას არასდროს არ ვინანებ. ვფიქრობდი, რომ ახალ კონტრაქტს გავაფორმებ და კარიერასაც აქ დავასრულებ, თუმცა ყველაფერი გეგმის მიხედვით არ წავიდა.
ვერ ვხვდები, რატომ უნდა სრულდებოდეს ყველაფერი ასე? ხუთი თვის წინ ჯილდოებს ვიგებდი, რატომ უნდა მიემართებოდეს ყველაფერი ასე? გუნდში ყველა არ არის სათანადო ფორმაში, მაგრამ თავის დაცვა მე მიწევს.
არ ვგრძნობ, რომ თანაგუნდელებმა დამაღალატეს. ბიჭებმა იციან, როგორ მიყვარს და ბოლომდე გვერდში მიდგანან.
ვერ ვიჯერებ, რომ 90-ვე წუთი სკამზე გავატარე, თანაც ეს უკვე სამჯერ მოხდა. მგონი, ასეთი ეტაპი კარიერაში პირველად მაქვს.
ძალიან ვარ იმედგაცრუებული. კლუბისთვის ბოლო წლებში ამდენი გავაკეთე, განსაკუთრებით წინა სეზონში. ახლა კი იქმნება შთაბეჭდილება, რომ კლუბმა ავტობუსის ქვეშ შემაგდო. სწორედ ასე ვგრძნობ ახლა თავს.
ვიღაცას უნდა, რომ ბრალი მთლიანად ჩემზე გადმოვიდეს. კლუბი ზაფხულში ბევრს დამპირდა, ახლა კი მე სკამზე ვრჩები. ამიტომ თამამად შემიძლია ვთქვა, რომ დაპირებები არ შესრულდა.
ადრე სლოტთან კარგი ურთიერთობა მქონდა. ახლა კი, უეცრად. არანაირი ურთიერთობა არ გვაქვს და არც კი ვიცი, რატომ. თითქოს, ვიღაცას ჩემი კლუბში ხილვა არ უნდა.
მშობლებს დავურეკე და ბრაიტონთან მატჩზე მოსვლა ვთხოვე. არ ვიცი, ვითამაშებ თუ არა. უბრალოდ მინდა ამ მომენტით ვისიამოვნო. ენფილდზე ვიქნები, აფრიკის თასზე წასვლამდე ქომაგებს დავემშვიდობები, იმიტომ რომ არ ვიცი, რა მოხდება, როცა იქ ვიქნები.
ჩემთვის ეს ყველაფერი ძალიან მიუღებელია. სხვა კლუბში რომ ვყოფილიყავი, ნებისმიერი დამიცავდა. აქ კი უბრალოდ ავტობუსის ქვეშ მე შემაგდეს, იმიტომ რომ მათი აზრით პრობლემა მე ვარ.
მე ასე არ მიმაჩნია. მე პრობლემა არ ვარ. ყოველდღიურად ჩემი ადგილისთვის არ ვიბრძვი, იმიტომ რომ მე ეს დავიმსახურე. კლუბზე მაღლა არ ვდგავარ, არავის არაფრით ვჯობივარ, თუმცა მე ეს ადგილი დავიმსახურე." - აღნიშნა ეგვიპტელმა.
