როგორც ჩანს, ფორმულა 1-ის სუპერვარსკვლავი, მაქს ვერსტაპენი რედ ბულში კიდევ ერთი სეზონით დარჩება.
გუნდის მრჩეველმა, ჰელმუტ მარკომ თქვა, რომ F1-ის ოთხგზის ჩემპიონი 2026 წელს რედ ბულში იასპარეზებს, მიუხედავად მერსედესის ინტერესისა.
ESPN-ის ცნობით, ვერსტაპენის კონტრაქტში პუნქტი იყო, რომლის მიხედვითაც მას გუნდიდან წასვლა შეეძლო, თუ უნგრეთის გრან პრის შემდეგ ის საჩემპიონო დავაში მეოთხე ან უფრო დაბალ ადგილზე იქნებოდა.
ბელგიის გრან პრის შემდეგ, ვერსტაპენი ცხრილში მე-3 ადგილზეა და მეოთხეადგილოსან ჯორჯ რასელს 28 ქულით უსწრებს, ეს სხვაობა კი უნგრეთში ვერ აღმოიფხვრება.
ვერსტაპენის შესახებ ინფორმაცია მარკომ გერმანულ Sport.De-ს დაუდასტურა.
დიახ, შემიძლია დავადასტურო, რომ მაქს ვერსტაპენი 2026 წელს რედ ბულში გაატარებს.
მერსედესის ბოლიდები ჯორჯ რასელისა და ამომავალი ვარსკვლავის, კიმი ანტონელის მიერ არის დაკავებული, თუმცა გუნდის ბოსი ტოტო ვოლფი არ უარყოფთა ვერსტაპენის მიმართ ინტერესს.
შეგახსენებთ, რომ რედ ბულმა თვის დასაწყისში გუნდის ხელმძღვანელი კრისტიან ჰორნერი გაუშვა და ის ლორენ მეკისით ჩაანაცვლა.
ვერსტაპენის აგენტმა ნიდერლანდურ პრესას უთხრა, რომ ვერსტაპენზე გუნდში მომხდარი ცვლილებები არ იმოქმედებდა.
