ვესტ ჰემმა ლოპეტეგი გაუშვა - მისი სავარაუდო შემცვლელი ცნობილია

ვესტ ჰემის ოფიციალური გვერდი ადასტურებს, რომ მთავარმა მწვრთნელმა ჟულენ ლოპეტეგიმ კლუბი დატოვა.

2024/25 წლების სეზონის პირველი ნახევარი არ შეესაბამებოდა კლუბის ამბიციებს და შესაბამისად ლონდონელებმა ესპანელის გათავისუფლების გადაწყვეტილება მიიღეს.

ლოპეტეგი ვესტ ჰემს 2024 წლის მაისიდან წვრთნიდა, მან ამ პოსტზე დევიდ მოიესი შეცვალა.

ესპანელს ლონდურ კლუბში დიდი ალბათობით, ბრაიტონისა და ჩელსის ყოფილი თავკაცი გრემ პოტერი ჩაანაცვლებს, რომელთანაც აქტიური მოლაპარაკებები უკვე მიმდინარეობს.

ვესტ ჰემი პრემიერ ლიგის სატურნირო ცხრილში 20 ტურის შემდეგ 23 ქულით მე-14 ადგილზეა.