ვიდეო: ბითაძის ორმაგი დუბლი მაიამისთან - ორლანდოს ისტორიული ქამბექი

NBA-ს რეგულარული სეზონის მორიგ მატჩში ორლანდო მეჯიქი მაიამი ჰიტს დაუპირისპირდა და 121-114 დაამარცხა.

გოგა ბითაძემ პარკეტზე 31 წუთი გაატარა და მორიგი ორმაგი დუბლი მიითვალა - 18 ქულა, 13 მოხსნა, 2 დაფარება. ქართველმა მოთამაშემ თამაშიდან 8-დან 8 ბურთი ჩააგდო, საჯარიმოებიდან კი 3-დან 2.

ორლანდომ ისტორიული ქამბექი შეასრულა, გუნდი მესამე მეოთხედის ბოლოს 22-ქულიანი სხვაობით (84-106) აგებდა. მეოთხე მეოთხედი კი მეჯიქის გამარჯვებით 37-8 დასრულდა, ეს კი 1997 წლიდან ფრენჩაიზის ისტორიაში ყველაზე დიდი ქამბექია.

ორლანდო 30 მატჩში 18 მოგებით აღმოსავლეთ კონფერენციაში მე-4 ადგილზეა.