ვიდეო: კარის 8-დან 8 სამქულიანი ფილადელფიასთან - გოლდენმა მოიგო

NBA-ს რეგულარული სეზონის მატჩში გოლდენ სტეიტ უორიორსი ფილადელფია სევენთისიქსერსს დაუპირისპირდა და 34-ქულიანი სხვაობით, 139-105 გაანადგურა.

გამარჯვებულ გუნდს სტეფ კარიმ ულიდერა, რომელმაც 30 ქულა, 6 მოხსნა და 10 შედეგიანი გადაცემა დააგროვა.

სტეფმა თამაშიდან 15-დან 11 ბურთი ჩააგდო, სამქულიანები კი 100%-იანი სიზუსტით ისროლა და 8-დან 8 ბურთი ჩააგდო.

ეს კარის კარიერაში ყველაზე მეტი ჩაგდებული სამიანია აცილების გარეშე. სტეფი გახდა NBA-ს ისტორიაში პირველი მოთამაშე, რომელმაც 8-დან 8 სამქულიანი ჩააგდო და ამავდროულად 10 შედეგიანი გადაცემაც მიითვალა.

გოლდენ სტეიტი 33 მატჩში 17 მოგებით დასავლეთ კონფერენციაში მე-8 ადგილზეა.