ფიფას მსოფლიო საკლუბო ჩემპიონატის პირველ 1/4 ფინალურ მატჩში ფლუმინენსე ალ ჰილალს დაუპირისპირდა.
მატჩი ბრაზილიური გუნდის გამარჯვებით 2-1 დასრულდა. გამარჯვებული გუნდის მხრიდან გოლები მარტინელიმ და ჰერკულესმა გაიტანეს, ალ ჰილალიდან კი თავი მარკოს ლეონარდომ გამოიჩინა.
ფლუმინენსე ნახევარფინალში გავიდა, სადაც მისი მეტოქე პალმეირასსა და ჩელსის შორის შეხვედრაში გაირკვა.
იყო შანსი, რომ ბრაზილიური ნახევარფინალი მიგვეღო, თუმცა ლონდონელებმა მეტოქის დამარცხება მინიმალური სხვაობით მოახერხეს.
ანგარიში კოულ პალმერმა გახსნა, შემდეგ ესტავაომ, რომელიც ტურნირის შემდეგ კარიერას სწორედ ჩელსიში გააგრძელებს, თავის მომავალ გუნდს გაუტანა. გამარჯვების გოლი კი 83-ე წუთზე გავიდა (ვევერტონის ავტო-გოლი).
ფლუმინენსესა და ჩელსის ნახევარფინალური მატჩი 8 ივლისს გაიმართება.
მეორე ნახევარფინალური წყვილი პსჟ-ბაიერნისა და რეალი-დორტმუნდის წყვილებში გაირკვევა. თამაშები დღეს გაიმართება.
