VIDEO: გოლი და საგოლე გადაცემა - კვერნაძემ ფროზინონეს მოაგებინა

იტალიის სერია ბ-ს 25-ე ტურში ფროზინონე სპეციას ეწვია და 0-2 დაამარცხა.

სტუმართა სასტარტო შემადგენლობაში იყო გიორგი კვერნაძე, რომელმაც თითქმის სრულად ითამაშა და მატჩის ბოლოს, კომპენსირებულ დროში შეცვალეს. 37-ე წუთზე შეხვედრაში ანგარიში სწორედ ქართველმა შემტევმა გახსნა, რომელმაც ზედიზედ მე-2 მატჩში შეძლო გოლის გატანა.

55-ე წუთზე ფროზინონემ სხვაობა ორამდე გაზარდა. ამჯერად კვერნაძემ საგოლე გადაცემა გააკეთა, გოლი კი ფარეს გეჯემისმა გაიტანა, რომელმაც პირველი გოლის დროს ასისტი მიითვალა.

ფროზინონემ ამ გამარჯვებით 52 ქულა დააგროვა და სატურნირო ცხრილში მე-2 ადგილზე იმყოფება, რაც სერია ა-ში პირდაპირ გადასვლის საშუალებას იძლევა. ლიდერ ვენეციასთან ჩამორჩენა 1 ქულაა.

რაც შეეხება გიორგი კვერნაძეს, შემტევის ანგარიშზე სერია ბ-ს მიმდინარე სეზონში 5 გოლი და 4 საგოლე გადაცემაა, ბოლო 3 მატჩში ქართველმა 2 გოლი და 2 ასისტი მიითვალა, ხოლო ბოლო 6 ტურში 6 საგოლე მოქმედება აქვს - 3 გოლი და 3 ასისტი.