VIDEO: კარიერაში პირველად - ზვერევი გრანდ სლემის ჩემპიონია

საფრანგეთის დედაქალაქ პარიზში როლან გაროსის ფინალური მატჩი გაიმართა.

გადამწყვეტ შეხვედრაში ერთმანეთს მსოფლიო რეიტინგის მე-14 ნომერი ფლავიო კობოლი და მე-3 ნომერი ალექსანდერ ზვერევი დაუპირისპირდნენ.

მატჩი 4 საათი და 19 წუთი გაგრძელდა და 5-სეტიან ბრძოლაში გერმანელმა იტალიელი 6-1, 4-6, 6-4, 6-7, 6-1 დაამარცხა.

ალექსანდერ ზვერევმა კარიერაში პირველი გრანდ სლემი მოიგო და 1937 წლის შემდეგ გახდა პირველი გემრანელი, რომელიც როლან გაროსის გამარჯვებული გახდა. 88 წლის წინ ეს ჰენერ ჰენკელმა შეძლო.

ზვერევი კარიერაში 25-ე ტიტულს დაეუფლა, გრანდ სლემის ფინალში კი კარიერაში მეოთხედ იყო, თუმცა წინა სამ შემთხვევაში დამარცხდა და ნანატრ ტრიუმფს ახლაღა მიაღწია.

გერმანელმა ჩემპიონობის გზაზე ბონზი, მაჩაკი, ჰალისი, დე იონგი, ხოდარი, მენშიკი და კობოლი დაამარცხა.