VIDEO: კარიმ დურანტს გადაუსწრო, სპურსიდან სამმაგი ორმა მოთამაშემ შეასრულა

NBA-ის რეგულარული სეზონის მორიგ მატჩში სან ანტონიო სპურსი გოლდენ სტეიტ უორიორსს დაუპირისპირდა და 120-125 დამარცხდა.

გამარჯვებულ გუნდს სტეფ კარიმ ულიდერა, რომელმაც 46 ქულა მიითვალა. კარიმ კარიერაში 73-ე მატჩი ჩაატარა, სადაც მინიმუმ 40 ქულა ჩააგდო და კევინ დურანტის შედეგი გააუმჯობესა, რითიც NBA-ის ყველა დროის სიაში მე-9 ადგილზე გადაინაცვლა.

სან ანტონიოდან კი გამორჩეული ვიქტორ ვემბანიამა და სტეფონ ქესლი იყვნენ, ორივე მათგანმა სამმაგი დუბლი შეასრულა.

ვემბანიამას ანგარიშზე 31 ქულა, 15 მოხსნა და 10 შედეგიანი გადაცემა იყო, მისმა თანაგუნდელმა კკი 23 ქულა, 10 მოხსნა და 10 შედეგიანი გადაცემა ჩაიწერა აქტივში.

სპურსის ისტორიაში პირველეად მოხდა, როცა ორმა მოთამაშემ ერთ მატჩში მიითვალა სამმაგი დუბლი.

სან ანტონიოს 11 მატჩში 8 მოგება აქვს და დასავლეთ კონფერენციაში მე-3 ადგილზეა, გოლდენი კი 13 შეხვედრაში 7 გამარჯვებით მე-9 ადგილს იკავებს.