ახალი სეზონისთვის მზადების პროცესში გრაცის შტურმი ამხანაგურ შეხვედრაში პარი სენ-ჟერმენს დაუპირისპირდა.
სასტარტო შემადგენლობაში იყო ოთარ კიტეიშვილი, რომელმაც მოედანზე 45 წუთი გაატარა და შესვენებაზე შეიცვალა.
მატჩში ანგარიში მე-9 წუთზე მარკო ასენსიოს პასის შემდეგ იბრაჰიმ მბაიე გახსნა, 3 წუთში კარლოს სოლერმა სხვაობა ორამდე გაზარდა, საგოლე გადაცემა რანდალ კოლო მუანიმ მიითვალა.
ასევე 3 წუთში, მე-15 წუთზე გრაცელთა მხრიდან ამადი კამარამ ერთი ბურთი გაქვითა, ტაიმის ბოლოს კი (43-ე წუთზე) ოთარ კიტეიშვილმა შორეული გასროლით რუსი მატვეი საფონოვის კარი აიღო.
საბოლოოდ ქართველმა შეხვედრის საბოლოო ანგარიში დააფიქსირა, მეორე ტაიმში გოლი აღარ გასულა და თამაში ფრედ 2-2 დასრულდა.
კიტეიშვილმა Sofascore-სგან 7.5 შეფასება დაიმსახურა, რითიც თავისი გუნდიდან ერთ-ერთი საუკეთესო იყო.
შტურმმა ამ პრესეზონზე ბოლო ამხანაგური მატჩი სწორედ პსჟ-სთან გამართა. 11 აგვისტოს გრაცელები ავსტრიის ბუნდესლიგის პირველ ტურში ჰარტბერგს უმასპინძლებენ. შეგახსენებთ, რომ გასულ სეზონში ოთარ კიტეიშვილი თავის გუნდთან ერთად ქვეყნის თასისა და ჩემპიონატის გამარჯვებული გახდა.
რაც შეეხება პსჟ-ს, პარიზელები 10 აგვისტოს ამხანაგურად ლაიფციგს შეხვდებიან, 16 აგვისტოს კი ლიგა 1-ის პირველ ტურში ლე ავრს ესტუმრებიან.
