NBA-ს პლეიოფში კიდევ ერთი სერია დასრულდა, მეორე შემთხვევაში კი შესაძლოა ყველაფერი ერთ მატჩში გადაწყდეს.
კლივლენდ კავალიერსმა სერიის მე-4 შეხვედრაში მაიამი ჰიტი 83-138 გაანადგურა და სერია 4-0 ანგარიშით დახურა.
გამარჯვებულ გუნდს დონოვან მიჩელმა ულიდერა 22 ქულით, 10 ქულაზე მეტი კლივლენდიდან კიდევ ხუთმა მოთამაშემ დააგროვა.
კავალიერსი მომდევნო ეტაპზე ინდიანა პეისერსსა და მილუოკი ბაქსს შორის გამარჯვებულს შეხვდება.
რაც შეეხება მეორე მატჩს, გოლდენ სტეიტ უორიორსმა ჰიუსტონ როკეტსს 109-106 მოუგო და სერიაში ანგარიში 3-1 გახადა.
შეხვედრაში გამორჩეულები ალფერენ შენგუნი (31 ქულა, 10 მოხსნა) და ჯიმი ბატლერი (27 ქულა) იყვნენ.
გუნდებს შორის მე-5 მატჩი პირველ მაისს გაიმართება.
