VIDEO: ლებრონის ორმაგი და მნიშვნელოვანი სამიანი - ლეიკერსმა ისევ მოიგო

NBA-ის პლეიოფში სერიის მე-3 მატჩი გაიმართა ჰიუსტონ როკეტსსა და ლოს ანჯელეს ლეიკერსს შორის.

შეხვედრის ოთხი მეოთხედი ფრედ დასრულდა (101-101) და ოვერტაიმი გახდა საჭირო, სადაც ლეიკერსმა 108-112 იმარჯვა და სერიაში ანგარიში 3-0 გახადა.

ჰიუსტონის მხრიდან გამორჩეული იყო ალფერენ შენგუნი, რომელმაც ორმაგი დუბლი მიითვალა - 33 ქულა და 16 მოხსნა - თუმცა ეს გამარჯვებისთვის საკმარისი არ აღმოჩნდა.

გადამწყვეტ მომენტში ლეიკერსს კიდევ ერთხელ ულიდერა 41 წლის ლებრონ ჯეიმსმა, რომელმაც ასევე ორმაგი დუბლი ჩაიწერა აქტივში - 29 ქულა, 13 მოხსნა. ლებრონმა მეოთხე მეოთხედის ბოლოს შესანიშნავად ითამაშა დაცვაში და შემდეგ მნიშვნელოვანი სამქულიანი ჩააგდო, რომელმაც მატჩი ოვერტაიმში გადაიყვანა.

გუნდებს შორის მე-4 მატჩი 27 აპრილს გაიმართება, სადაც ლეიკერსი სერიის დახურვას შეეცდება.