VIDEO: ლოჩოშვილმა ფიურტს გაუტანა - საკლუბო კარიერაში 2023 წლის აპრილის შემდეგ პირველად შეაგდო
07 დეკ, 2025 · 0 წთ წასაკითხად
-
Aa
+
ფონტის ზომა
ლუკა ლოჩოშვილმა გერმანული ნიურნბერგის რიგებში სადებიუტო გოლი გაიტანა - ფიურტთან საშინაო შეხვედრაში ანგარიში გახსნა. საბოლოოდ, მისმა გუნდმა 2:2 ითამაშა.
27 წლის ქართველმა მცველმა ლამაზი თავური დარტყმით შეაგდო და გუნდი წინ გაიყვანა, თუმცა ფიურტის ფეხბურთელებმა ანგარიშის გათანაბრება 2-ჯერ შეძლეს და ბავარიელებს ქულები დააკარგვინეს.
ლოჩოშვილმა საკლუბო კარიერაში გოლი 2023 წლის აპრილის შემდეგ პირველად გაიტანა - მაშინ, იტალიის სერია A-ს ეგიდით, კრემონეზეს მაისურით გენუის სამპდორიას გაუტანა. საინტერესოა, რომ აღნიშნული პერიოდის განმავლობაში ნაკრებში 3 გოლი შეაგდო - ტაილანდთან, ფარერებთან და ბულგარეთთან.
ბუნდესლიგა 2-ის 15 ტურის შემდეგ, მიროსლავ კლოზეს გუნდს 19 ქულა აქვს და გასავარდნ ზონას 5 ქულით უსწრებს.
ნიურნბერგი მომდევნო ტურში, 14 დეკემბერს, ჩემპიონატის ლიდერ შალკეს ესტუმრება.
