VIDEO: ლონდონში ქამბექი არ შედგა — ტოტენჰემმა ატლეტიკოს მინიმალურად მოუგო და ლიგას დაემშვიდობა

ჩემპიონთა ლიგის საპასუხო 1/8 ფინალში ტოტენჰემმა საკუთარ მოედანზე ატლეტიკოს 3:2 მოუგო, თუმცა ტურნირს დაემშვიდობა.

სტუმრად 2:5 წაგების შემდეგ, დღეს დეზებს მინიმუმ 3-ბურთიანი უპირატესობით სჭირდებოდათ მოგება. ლონდონურმა გუნდმა პროგრამა მინიმუმი შეასრულა და 3 გოლის გატანა შეძლო, თუმცა საპასუხოდ თავის კარში ორი მიიღო და ორი მატჩს ჯამში 5:7 დამარცხდა.

დღევანდელ მატჩში დუბლით თავი ჩავი სიმონსმა გამოიჩინა, ერთი გოლი კი კოლო მუანიმ გაიტანა. ატლეტიკოს რიგებში გოლები ხულიან ალვარესმა და ჰანცკომ გაიტანეს.

ატლეტიკო 1/4 ფინალში გავიდა, სადაც მისი მეტოქე კატალონიის ბარსელონა იქნება, რომელსაც სიმეონეს გუნდმა სულ ახლახანს კოპა დელ რეის 1/2 ფინალი ორი მატჩის ჯამში 4:3 მოუგო (4:0, 0:3).

1-0 კოლო მუანი 30'

1-1 ალვარესი 47'

2-1 სიმონსი 52'

2-2 ჰანცკო 75'

3-2 სიმონსი 90+1' (პენ)