VIDEO: მამუმ 22 წუთი ითამაშა - ტორონტომ ატლანტას ზედიზედ მეორედ მოუგო

სანდრო მამუკელაშვილის ტორონტო რეპტორსმა 5-მატჩიანი საშინაო სერია ატლანტა ჰოუქსთან გამარჯვებით დაასრულა - 118:100.

კანადელებმა აღნიშნული 5 შეხვედრიდან 4 მოიგეს (გოლდენ სტეიტ უორიორსთან, ორლანდო მეჯიქთან და 2-ჯერ ატლანტა ჰოუქსთან) და 1-ში დამარცხდნენ - დენვერ ნაგეთსთან 103:106.

მამუმ გუშინდელ მატჩში პარკეტზე 22:32 წუთი გაატარა და საკუთარ გუნდს 12 ქულა, 6 მოხსნა, 3 ასისტი შესძინა. 5-დან 3 ორქულიანი, 4-დან 1 სამქულიანი ჩააგდო და 3-დან 3 საჯარიმო ჩააგდო. 

ტორონტომ 37-ე შეხვედრაში 22-ე გამარჯვება მოიპოვა და აღმოსავლეთ კონფერენციის მე-4 ადგილზე მყარად იმყოფება.

8 იანვრის 04:00 საათზე, დარკო რაიაკოვიჩის გუნდი სტუმრად შეხვდება შარლოტ ჰორნეთსს, რომელთანაც წლევანდელ სეზონში ჩატარებული 3-დან 2 ურთიერთშეხვედრა აქვს წაგებული.